सङ्कटनाशनगणेशस्तोत्रम् Sankatanashana Ganesha Stotram

प्रणम्य शिरसा देवं गौरीपुत्रं विनायकम् ।भक्तावासं स्मरेन्नित्यमायुःकामार्थसिद्धये ॥१॥

praṇamya śirasā devaṃ gaurīputraṃ vināyakam |bhaktāvāsaṃ smarennityamāyuḥkāmārthasiddhaye ||1||

प्रथमं वक्रतुण्डं च एकदन्तं द्वितीयकम् ।तृतीयं कृष्णपिङ्गाक्षं गजवक्त्रं चतुर्थकम् ॥२॥

prathamaṃ vakratuṇḍaṃ ca ekadantaṃ dvitīyakam |tṛtīyaṃ kṛṣṇapiṅgākṣaṃ gajavaktraṃ caturthakam ||2||

लम्बोदरं पञ्चमं च षष्ठं विकटमेव च ।सप्तमं विघ्नराजेन्द्रं धूम्रवर्णं तथाष्टमम् ॥३॥

lambodaraṃ pañcamaṃ ca ṣaṣṭhaṃ vikaṭameva ca |saptamaṃ vighnarājendraṃ dhūmravarṇaṃ tathāṣṭamam ||3||

नवमं भालचन्द्रं च दशमं तु विनायकम् ।एकादशं गणपतिं द्वादशं तु गजाननम् ॥४॥

navamaṃ bhālacandraṃ ca daśamaṃ tu vināyakam |ekādaśaṃ gaṇapatiṃ dvādaśaṃ tu gajānanam ||4||

द्वादशैतानि नामानि त्रिसन्ध्यं यः पठेन्नरः ।न च विघ्नभयं तस्य सर्वसिद्धिकरं प्रभो ॥५॥

dvādaśaitāni nāmāni trisandhyaṃ yaḥ paṭhennaraḥ |na ca vighnabhayaṃ tasya sarvasiddhikaraṃ prabho ||5||

विद्यार्थी लभते विद्यां धनार्थी लभते धनम् ।पुत्रार्थी लभते पुत्रान्मोक्षार्थी लभते गतिम् ॥६॥

vidyārthī labhate vidyāṃ dhanārthī labhate dhanam |putrārthī labhate putrānmokṣārthī labhate gatim ||6||

जपेद्गणपतिस्तोत्रं षड्भिर्मासैः फलं लभेत् ।संवत्सरेण सिद्धिं च लभते नात्र संशयः ॥७॥

japedgaṇapatistotraṃ ṣaḍbhirmāsaiḥ phalaṃ labhet |saṃvatsareṇa siddhiṃ ca labhate nātra saṃśayaḥ ||7||

अष्टेभ्यो ब्राह्मणेभ्यश्च लिखित्वा यः समर्पयेत् ।तस्य विद्या भवेत्सर्वा गणेशस्य प्रसादतः ॥८॥

aṣṭebhyo brāhmaṇebhyaśca likhitvā yaḥ samarpayet |tasya vidyā bhavetsarvā gaṇeśasya prasādataḥ ||8||