श्रीबजरंगबाण Bajrang Baan

निश्चय प्रेम प्रतीति ते, बिनय करैं सनमान ।तेहि के कारज सकल शुभ, सिद्ध करैं हनुमान ॥

niścaya prema pratīti te, binaya karaiṃ sanamāna |tehi ke kāraja sakala śubha, siddha karaiṃ hanumāna ||

जय हनुमंत संत हितकारी ।सुन लीजै प्रभु अरज हमारी ॥

jaya hanumaṃta saṃta hitakārī |suna lījai prabhu araja hamārī ||

जन के काज बिलंब न कीजै ।आतुर दौरि महा सुख दीजै ॥

jana ke kāja bilaṃba na kījai |ātura dauri mahā sukha dījai ||

जैसे कूदि सिंधु महिपारा ।सुरसा बदन पैठि बिस्तारा ॥

jaise kūdi siṃdhu mahipārā |surasā badana paiṭhi bistārā ||

आगे जाय लंकिनी रोका । मारेहु लात गई सुरलोका ॥

āge jāya laṃkinī rokā |mārehu lāta gaī suralokā ||

जाय बिभीषन को सुख दीन्हा ।सीता निरखि परमपद लीन्हा ॥

jāya bibhīṣana ko sukha dīnhā |sītā nirakhi paramapada līnhā ||

बाग उजारि सिंधु महँ बोरा ।अति आतुर जमकातर तोरा ॥

bāga ujāri siṃdhu maha~ borā |ati ātura jamakātara torā ||

अक्षय कुमार मारि संहारा ।लूम लपेटि लंक को जारा ॥

akṣaya kumāra māri saṃhārā |lūma lapeṭi laṃka ko jārā ||

लाह समान लंक जरि गई । जय जय धुनि सुरपुर नभ भई ॥

lāha samāna laṃka jari gaī |jaya jaya dhuni surapura nabha bhaī ||

अब बिलंब केहि कारन स्वामी ।कृपा करहु उर अंतरयामी ॥

aba bilaṃba kehi kārana svāmī |kṛpā karahu ura aṃtarayāmī ||

जय जय लखन प्रान के दाता ।आतुर ह्वै दुख करहु निपाता ॥

jaya jaya lakhana prāna ke dātā |ātura hvai dukha karahu nipātā ||

जै हनुमान जयति बलसागर । सुर समूह समरथ भटनागर ॥

jai hanumāna jayati balasāgara |sura samūha samaratha bhaṭanāgara ||

ॐ हनु हनु हनु हनुमंत हठीले ।बैरिहि मारू बज्र की कीले ॥

oṃ hanu hanu hanu hanumaṃta haṭhīle |bairihi mārū bajra kī kīle ||

गदा बज्र लै बैरिहिं मारो ।महाराज प्रभु दास उबारो ॥

gadā bajra lai bairihiṃ māro |mahārāja prabhu dāsa ubāro ||

ॐकार हुंकार महाप्रभु धावो ।बज्र गदा हनु विलम्ब न लावो ॥

oṃkāra huṃkāra mahāprabhu dhāvo |bajra gadā hanu vilamba na lāvo ||

ॐ ह्रीं ह्रीं ह्रीं हनुमंत कपीशा ।ॐ हुं हुं हुं हनु अरिउरसीशा ॥

oṃ hrīṃ hrīṃ hrīṃ hanumaṃta kapīśā |oṃ huṃ huṃ huṃ hanu ariurasīśā ||

सत्य होहु हरि सपथ पाइ कै ।राम दूत धरू मारू धाइ कै ॥

satya hohu hari sapatha pāi kai |rāma dūta dharū mārū dhāi kai ||

जय जय जय हनुमंत अगाधा ।दुख पावत जन केहि अपराधा ॥

jaya jaya jaya hanumaṃta agādhā |dukha pāvata jana kehi aparādhā ||

पूजा जप तप नेम अचारा ।नहिं जानत हौं दास तुम्हारा ॥

pūjā japa tapa nema acārā |nahiṃ jānata hauṃ dāsa tumhārā ||

बन उपबन मग गिरि गृह माहीं ।तुम्हरे बल हौं डरपत नाहीं ॥

bana upabana maga giri gṛha māhīṃ |tumhare bala hauṃ ḍarapata nāhīṃ ||

जय अंजनि कुमार बलवन्ता । शंकरसुवन बीर हनुमन्ता ॥

jaya aṃjani kumāra balavantā |śaṃkarasuvana bīra hanumantā ||

बदन कराल काल-कुल-घालक । राम सहाय सदा प्रतिपालक ॥

badana karāla kāla-kula-ghālaka |rāma sahāya sadā pratipālaka ||

भूत, प्रेत, पिसाच निसाचर ।अगिन बेताल काल मारी मर ॥

bhūta, preta, pisāca nisācara |agina betāla kāla mārī mara ||

इन्हें मारू, तोहि सपथ राम की ।राखउ नाथ मरजाद नाम की ॥

inheṃ mārū, tohi sapatha rāma kī |rākhau nātha marajāda nāma kī ||

जनकसुता हरि दास कहावौ । ताकी सपथ बिलंब न लावौ ॥

janakasutā hari dāsa kahāvau |tākī sapatha bilaṃba na lāvau ||

जै जै जै धुनि होत अकासा ।सुमिरत होय दुसह दुख नासा ॥

jai jai jai dhuni hota akāsā |sumirata hoya dusaha dukha nāsā ||

चरन पकरि, कर जोरि मनावौं ।यहि औसर अब केहि गोहरावौं ॥

carana pakari, kara jori manāvauṃ |yahi ausara aba kehi goharāvauṃ ||

उठु, उठु, चलु, तोहि राम दुहाई ।पायँ परौं, कर जोरि मनाई ॥

uṭhu, uṭhu, calu, tohi rāma duhāī |pāya~ parauṃ, kara jori manāī ||

ॐ चं चं चं चं चपल चलंता ।ॐ हनु हनु हनु हनु हनुमंता ॥

oṃ caṃ caṃ caṃ caṃ capala calaṃtā |oṃ hanu hanu hanu hanu hanumaṃtā ||

ॐ हं हं हाँक देत कपि चंचल ।ॐ सं सं सहमि पराने खलदल ॥

oṃ haṃ haṃ hā~ka deta kapi caṃcala |oṃ saṃ saṃ sahami parāne khaladala ||

अपने जन को तुरत उबारौ । सुमिरत होय आनंद हमारौ ॥

apane jana ko turata ubārau |sumirata hoya ānaṃda hamārau ||

ताते विनती करौं पुकारी ।हरहु सकल दुःख विपति हमारी ॥

tāte vinatī karauṃ pukārī |harahu sakala duḥkha vipati hamārī ||

ऐसौ बल प्रभाव प्रभु तोरा ।कस न हरहु दुःख संकट मोरा ॥

aisau bala prabhāva prabhu torā |kasa na harahu duḥkha saṃkaṭa morā ||

हे बजरंग, बाण सम धावौ ।मेटि सकल दुःख दरस दिखावौ ॥

he bajaraṃga, bāṇa sama dhāvau |meṭi sakala duḥkha darasa dikhāvau ||

हे कपिराज काज कब ऐहौ । अवसर चूकि अन्त पछतैहौ ॥

he kapirāja kāja kaba aihau |avasara cūki anta pachataihau ||

जन की लाज जात ऐहि बारा ।धावहु हे कपि पवन कुमारा ॥

jana kī lāja jāta aihi bārā |dhāvahu he kapi pavana kumārā ||

जयति जयति जै जै हनुमाना ।जयति जयति गुण ज्ञान निधाना ॥

jayati jayati jai jai hanumānā |jayati jayati guṇa jñāna nidhānā ||

जयति जयति जै जै कपिराई ।जयति जयति जै जै सुखदाई ॥

jayati jayati jai jai kapirāī |jayati jayati jai jai sukhadāī ||

जयति जयति जै राम पियारे ।जयति जयति जै सिया दुलारे ॥

jayati jayati jai rāma piyāre |jayati jayati jai siyā dulāre ||

जयति जयति मुद मंगलदाता ।जयति जयति त्रिभुवन विख्याता ॥

jayati jayati muda maṃgaladātā |jayati jayati tribhuvana vikhyātā ||

ऐहि प्रकार गावत गुण शेषा ।पावत पार नहीं लवलेषा ॥

aihi prakāra gāvata guṇa śeṣā |pāvata pāra nahīṃ lavaleṣā ||

राम रूप सर्वत्र समाना । देखत रहत सदा हर्षाना ॥

rāma rūpa sarvatra samānā |dekhata rahata sadā harṣānā ||

विधि शारदा सहित दिनराती ।गावत कपि के गुन बहु भांति ॥

vidhi śāradā sahita dinarātī |gāvata kapi ke guna bahu bhāṃti ||

तुम सम नहीं जगत बलवाना ।करि विचार देखौं विधि नाना ॥

tuma sama nahīṃ jagata balavānā |kari vicāra dekhauṃ vidhi nānā ||

यह जिय जानि शरण तब आई । ताते विनय करौं चित लाई ॥

yaha jiya jāni śaraṇa taba āī |tāte vinaya karauṃ cita lāī ||

सुनि कपि आरत वचन हमारे ।मेटहु सकल दुःख भ्रम भारे ॥

suni kapi ārata vacana hamāre |meṭahu sakala duḥkha bhrama bhāre ||

एहि प्रकार विनती कपि केरी ।जो जन करैं लहै सुख ढेरी ॥

ehi prakāra vinatī kapi kerī |jo jana karaiṃ lahai sukha ḍherī ||

याके पढ़त वीर हनुमाना । धावत बाण तुल्य बनवाना ॥

yāke paḍha़ta vīra hanumānā |dhāvata bāṇa tulya banavānā ||

मेटत आए दुःख क्षण माहिं ।दै दर्शन रघुपति ढिग जाहीं ॥

meṭata āe duḥkha kṣaṇa māhiṃ |dai darśana raghupati ḍhiga jāhīṃ ||

पाठ करै बजरंग बाण की ।हनुमत रक्षा करै प्राण की ॥

pāṭha karai bajaraṃga bāṇa kī |hanumata rakṣā karai prāṇa kī ||

डीठ, मूठ, टोनादिक नासै ।परकृत यंत्र मंत्र नहीं त्रासे ॥

ḍīṭha, mūṭha, ṭonādika nāsai |parakṛta yaṃtra maṃtra nahīṃ trāse ||

भैरवादि सुर करै मिताई । आयुस मानि करै सेवकाई ॥

bhairavādi sura karai mitāī |āyusa māni karai sevakāī ||

प्रण कर पाठ करें मन लाई ।अल्प-मृत्यु ग्रह दोष नसाई ॥

praṇa kara pāṭha kareṃ mana lāī |alpa-mṛtyu graha doṣa nasāī ||

आवृत ग्यारह प्रतिदिन जापै ।ताकी छांह काल नहिं चापै ॥

āvṛta gyāraha pratidina jāpai |tākī chāṃha kāla nahiṃ cāpai ||

दै गूगुल की धूप हमेशा । करै पाठ तन मिटै कलेषा ॥

dai gūgula kī dhūpa hameśā |karai pāṭha tana miṭai kaleṣā ||

यह बजरंग बाण जेहि मारे ।ताहि कहौ फिर कौन उबारे ॥

yaha bajaraṃga bāṇa jehi māre |tāhi kahau phira kauna ubāre ||

शत्रु समूह मिटै सब आपै ।देखत ताहि सुरासुर कांपै ॥

śatru samūha miṭai saba āpai |dekhata tāhi surāsura kāṃpai ||

उर प्रतीति दृढ़, सरन ह्वै, पाठ करै धरि ध्यान ।बाधा सब हर, करैं सब काम सफल हनुमान ॥

ura pratīti dṛḍha़, sarana hvai, pāṭha karai dhari dhyāna |bādhā saba hara, karaiṃ saba kāma saphala hanumāna ||